Aktorja e njohur Eliona Pitarka, ka reaguar ashpër ndaj gazetares Zhaklin Lekatarit, në lidhje me komentin që kjo e fundit bëri në lidhe me shtatzëninë e Kiara Titos.
Gazetarja i habiti të gjithë me një postim që bëri në rrjetin social “Instagram”, pak pasi Luiz Ejlli dhe Kiara Tito dhanë lajmin se do të bëhen prindër për herë të parë.
“Shumica e fëmijëve në vendin tonë lindin për interes, status, nevojë, por jo dashuri. E trishtë”, shkroi Zhaklina në postimin e saj.
Të shumtë kanë qenë reagimet ndaj Zhaklinës, ku ndër më të fundit është reagimi i aktores Pitarka, e cila e ka quajtur të neveritshme dhe të shëmtuar gjestin e saj.
“E quan veten feministe kjo, apo gaboj unë? E trishtueshme është që pavarësisht çfarëdolloj gjëje, të gjykosh vendimet e një femre tjetër, qofshin këto edhe interes, nevojë, status. Vajza që sulmojnë vajza, e aq më tepër ato në pritje të ëmbël, janë të neveritshme! Një vajzë që paragjykon e gjykon një vajzë tjetër është gjëja më e shëmtuar që mund të ndodhi!”, shkuan ajo.
Çifti ka patur përplasje me Zhaklinën që kur ishin pjesë e “Big Brother Vip”. Për këtë deklaratë të Zhaklinës ka reagur fillimisht Liesa, shoqja e ngushtë e Kiarës, e cila u shpreh kundrejt Zhaklinës: “Ka një vend të veçantë në ferr për të gjithë ata që komentojnë negativisht për një grua shtatzënë.”
Kujtojmë se Luiz Ejlli dhe Kiara Tito kanë konfirmuar lajmin e ëmbël për shtatzaninë pak ditë më parë, dhe janë në pritje të vajzës së tyre.
